काठमाडौं, जेष्ठ ७ - हतियारको कारोबार गर्ने समूहमाथि गोली चलाउँदा शुक्रबार राजधानीको नयाँ बजारमा एक
व्यक्ति घाइते भएका छन् ।
हतियार विक्री गर्दै गरेको सूचनाका आधारमा पक्राउ गर्न गएको बालाजु प्रहरी टोलीलाई देखेपछि भागेका हतियारधारीमाथि गोली चलाउँदा गोरखाका शिव ढकाल घाइते भएका छन् । पेटमा गोली लागेका उनलाई प्रहरीले बीर अस्पताल भर्ना गरेको काठमाडौं प्रहरी प्रमुख एसपी रमेश खरेलले जानकारी दिए ।
प्रहरीले ढकालसहित दुई जनालाई पक्राउ गरेको छ । प्रहरीले एक राउण्ड गोली र एक थान पेस्तोल बरामद गरेको छ ।
source:kantipur
skip to main |
skip to sidebar
