काठमाडौं, कार्तिक ४ - माओवादी उपाध्यक्ष बाबुराम भट्टराईले कामचलाउ सरकारले
बजेट ल्याउनु 'पुच्छरले टाउको हल्लाएजस्तै' भएको टिप्पणी गरेका छन् ।'बजेटले सरकार ल्याउने होइन सरकारले बजेट ल्याउनुपर्छ,' बिहीबार राजधानीमा आयोजित चियापानमा पूर्व अर्थमन्त्री भट्टराईले भने, 'अहिलेको सरकारले ल्याउनु 'पुच्छरले टाउको हल्लाएजस्तै' हो, जुन सम्भव छैन ।'
सरकार बनाउन छाडेर बजेटको नाममा भावनात्मक कुरा गरिएको भट्टराईको भनाइ थियो । 'सरकार, शान्ति प्रक्रिया र संविधानको बारेमा सम्झौता गरेर सरकार गठन गर्नुपर्छ,' उनले भने, 'नयाँ सहमतिमा बनेको सरकारले बजेट ल्याउँछ ।'
source:kantipur
