माओवादी नेताले साइट खोले :

काठमाडौं, पुस १२ (नागरिक) - एकीकृत माओवादी प्रवक्ता दिनानाथ शर्माले माओ जयन्तीको अवसर पारेर शनिबार वेबसाइट खोलेका छन्। डब्लुडब्लुडब्लु डट डिएनशर्मा डट कम नामक साइटमा पार्टीका गतिविधि, दस्तावेजका साथै उनका साहित्यिक लेख रचना पनि पढ्न पाइने छ। 'यो सूचनाको युगमा सूचना सम्प्रेषणका लागि जरुरी देखेर खोलेको हुँ,' उनले नागरिकसित भने, 'यसमा पार्टीका सूचनाका साथै मेरा साहित्यिक लेख रचना पनि समाबेस हुने छ।'
माओवादी अध्यक्ष पुष्पकमल दाहाल प्रधानमन्त्री भएको बेला गत वर्ष खोलेका थिए भने उपाध्यक्ष बाबुराम भट्टराईको पनि आफ्नै साइट छ। माओवादीबाहेक प्रधानमन्त्री माधव नेपाल, गणेश साहलगायतका नेताका पनि साइट छन्।

source:nagariknews