ढाका, मंसिर २४ - छैटौं साफ च्याम्पियनशीप फुटबलमा माल्दिभ्सले भारतलाई २-० पराजित पराजित गरेपछि नेपाल समूह चरणबाटै बाहिरएको छ। नेपाल समूह चरणबाटै बाहिरिएको यो लगातार चौथो पटक हो। नेपाल एक पटक मात्र साफ च्याम्पियनसीपको सेमिफाइनलमा पुग्न सफल भएको छ। बुधबार अफगानिस्तानमाथि ३-० को विजय प्राप्त गरे पनि भारत र माल्दिभ्सबीचको खेल परिणामपछि मात्र नेपाल सेमिफाइनल पुग्ने नपुग्ने टुंगो लाग्ने अवस्था थियो। नेपाल सेमिफाइनलमा पुग्नका लागि कम्तिमा भारतले जित्नै पर्ने हुन्थ्यो। तर नतिजा विपक्षमा भएपछि नेपाल पहिलो चरणबाटै घर फर्किन बाध्य भएको छ।
बुधबार बगबन्धु रंगशालामा अफगानिस्तानविरुद्ध अनिल गुरुड ५७ र ७३ औं मिनेटमा गरी २ गोल गरेका थिए। ६२ औं मिनेटमा विजय गुरुङले अर्को गोल गरेका थिए ।
भारतीय क्लब सिलोङ लाजोङबाट खेल्ने अनिलको प्रतियोगितात्मक अन्तर्राष्ट्रिय खेलमा गोल गरेको यो पहिलो अवसर हो ।
source:nagariknews
skip to main |
skip to sidebar
