यही डिसेम्बर २८ का दिन सन् २००९ को बिदाई तथा नयाँ वर्ष २०१० को स्वागतका लागि एनआरएन नेदरल्याण्डले नेपाली शुभकामना साँझको आयोजना गर्ने भएको छ । एनआरएन नेदरल्याण्डको आयोजना तथा एनआरएन कल्चर सेन्टरको संयोजकत्वमा हुन गईरहेको सो कार्यक्रममा धेरै भन्दा धेरै नेपालीहरुलाई मनोरंजन दिलाउने उदेश्यले राखिएकोछ । नेदरल्याण्डको राजधानी शहर आम्टरडाममा हुन गईरहेको सो कार्यक्रममा नेपाली दाजुभाई तथा दिदीबहिनीहरुमा एक आपसमा हार्दिकता आदान प्रदान गर्न सम्पूर्ण नेदरल्याण्डबासीहरुलाई सहभागी हुन समेत आग्रह गरिएको छ । आम्टरडाममा रहेको नेपाली बिद्यार्थीहरुको सांगीतिक समूह तथा बिभिन्न प्रतिभाहरुद्धारा सांस्कृतिक कार्यक्रमहरु पनि प्रस्तुत गरिने भएको छ । स्वादिष्ट नेपाली खानाका साथै नेपाल र नेपालीहरुको प्रतिनिधित्व गराउने खालका कार्यक्रमहरु राखिने कुरा कार्यक्रम संयोजन समितिका प्रमुख तथा एनआरएन नेदरल्याण्डका सदस्य फणिन्द्र पन्तले जानकारी गराउनुभयो । उक्त कार्यक्रमका लागि नेदरल्याण्डमा रहेका नेपाली कलाकारहरु कार्यक्रमको तयारीमा व्यस्त रहेको कुरा पनि उहाँले उल्लेख गर्नुभयो ।
source:dineshkharel.com
skip to main |
skip to sidebar
