पर्वत, जेष्ठ २ - यहाँस्थित राप्रपा नेपालले अहिलेको अबस्थामा सबैले राजाको आवश्यकता महसुस गरेकाले जनमत संग्रह मार्फत राजा ल्याउनु पर्ने बताएको छ ।
राप्रपा नेपालले आइतवार आफ्नो २० औं स्थापना दिवसको अबसरमा पत्रकार सम्मेलको आयोजना गर्दै उसले अहिले पनि राजालाई मान्ने धेरै भएकाले राजतन्त्रका बारेमा जनमत संग्रह गर्नु पर्ने बताएको हो ।
सम्मेलनमा बोल्दै अध्यक्ष ठाकुरप्रसाद भुषालले राजा फाल्नु दुर्भाग्य भएको भन्दै जनताले चाहे अहिले पनि राजतन्त्र व्युँताउन सकिने बताए । उनले अहिलेका प्रमुख तीनदल माओवादी, कांग्रेस र एमालेले संविधान लेखन जस्तो कार्यलाई ओझेलमा पारेर कुर्सीको खेलमा लागेको आरोप लगाए ।
तीनदलकै आपसी मतभेदकाकारण जनताले भनेकै र तोकिएकै समयमा नयाँ संविधान नपाउनु त्यो भन्दा ठूलो दुर्भाग्य केही नभएको भुषालले सम्मेलनमा जानकारी दिए । 'तीनदलका मुख तिनतिर फर्किएका छन्, 'भुषालले भने, 'अनी कसरी बन्छ संविधान ?' उनले स्पष्ट बहुमत भएको माओवादी पार्टीलाई सडकमा राखेर कुनै हालतमा पनि संविधान निर्माण गर्न नसकिने ठोकुवा गरे ।
सम्मेलनमा अधिकांश समय राजतन्त्रका बारेमा बोल्न खर्चिएका उनले राजतन्त्रबारे नयाँ जनादेश लिएर जनमत संग्रहमा जानु पर्ने जनाए ।
source:kantipur
skip to main |
skip to sidebar
