काठमाडौं, साउन २० - रक्षामन्त्री विद्यादेवी भण्डारीले कुनै दल-विशेषले 'सशस्त्र भर्ती' जारी राखे सरकारले
राष्ट्रियता र लोकतन्त्र रक्षाको लागि आवश्यक कानुनी प्रक्रिया थाल्ने चेतावनी दिएकी छन्। 'एकीकृत माओवादीले सैन्य भर्ती गर्छु भन्नु वृहत् शान्तिसम्झौंताको उल्लंघन ठर्हछ', उनले भनिन्- 'त्यो कानुनको पनि उल्लंघन हो।'
भण्डारीले बिहीबार सञ्चारकर्मीसँग विद्रोह पृष्ठभूमिबाट आएकोले हतियारको संख्या र व्यक्ति तोकेर अस्थायी शिविरमा राख्ने सहमति गरिएको र त्यसभन्दा बढी भर्ती गर्दा गम्भीर कानुनी समस्या उत्पन्न हुने उल्लेख गरिन्। 'समझदारी उल्लंघन गरे सरकारले आवश्यक कदम चाल्छ', उनले चेतावनी दिइन्।
नेपाली सेनाले रिक्तस्थान हुन आएका पदमा लिएको नयाँ भर्तीलाई सर्वोच्चले मान्यता दिएपछि माओवादीले पनि सैन्य भर्ना थाल्ने बताएको थियो। माओवादी लडाकूमा भर्ती खुलेको सार्वजनिक भनाइप्रति रक्षामन्त्रीले बिहीबार टिप्पणी गरेकी हुन्।
source:nagarik
skip to main |
skip to sidebar
