काठमाडौं, आश्विन ३१ - पूर्वराजा ज्ञानेन्द्र शाहले बडादसैँको उपलक्ष्यमा स्वदेश तथा विदेशमा रहे बसेका
समस्त नेपाली दिदीबहिनी तथा दाजुभाइको सुख, शान्ति, समृद्धि र प्रगतिका लागि शुभकामना व्यक्त गरेका छन् ।
विजयादशमीको उपलक्ष्यमा आज दिएको शुभकामना सन्देशमा उनले हाम्रो धर्म, संस्कृति, परम्परागत रीति पद्धतिको रक्षा गर्दै हामीले हाम्रो स्वतन्त्र राष्ट्रिय अस्मितालाई जोगाएर राष्ट्रिय गौरवको प्रबर्द्धन र मुलुकमा राजनीतिक स्थिरता कायम गर्नुपर्ने उल्लेख गरेका छन् ।
सन्देशमा मुलुकमा सुशासनको अनुभूति, शान्ति सुरक्षाको प्रत्याभूति र धार्मिक तथा सामाजिक सद्भावको सम्पोषणका साथै नेपालीको समृद्धितर्फ निरन्तर पाइला बढाउनुपर्दछ भन्ने आफ्नो मान्यता रहेको उनले उल्लेख गरेका छन् ।
source:kantipur
skip to main |
skip to sidebar
