दाङ (तुलसीपुर), कात्तिक १- अत्यधिक मादक पदार्थ सेवन गरी आफ्नै श्रीमतीको घाँटी थिचेर हत्या गर्ने
व्यक्तिलाई पक्राउ गरिएको छ। तुलसीपुर नगरपालिका-७ बस्ने थापापानी बस्ने कुलबहादुर बाँठाले आफ्नी ३१ वर्षीया श्रीमती कमला बाँठाको आज बिहान घाँटी थिचेर हत्या गरेको राप्ती अञ्चल प्रहरी कार्यालय तुलसीपुरले जनाएको छ।
घटना भएलगत्तै प्रहरी निरीक्षक जीवन बुढाथोकी सो स्थान गएको र भौगोलिक विकटताका कारण तत्काल मृतकको शव पोस्टमार्टमका लागि ल्याउन नसकेपनि सो ल्याउने तयारी भइरहेको प्रहरीले जनाएको छ।
यसैगरी दाङको सोनपुर-५ टिकलीगढ बस्ने वर्ष ६५का शालिकराम चौधरीले आफ्नै कोठामा झुण्डिएर आत्महत्या गरेका छन्।
इलाका प्रहरी कार्यालय लमहीका अनुसार हिजो बेलुकी १० बजे उनलाई झुण्डिएर मरेको अवस्थामा परिवारका सदस्यले फेला पारेको र घटनाबारे थप अनुसन्धान भइरहेको छ।
source:nagarik
skip to main |
skip to sidebar
