पोखरा , कार्तिक २ - फेवातालपारिको लिजी गार्डेनबाट वैदामतर्फ डुङ्गामा आउँदै गर्दा सोमबार राति
एकजना स्कटल्यान्डका नागरिक तालमा खसेर बेपत्ता भएका छन् ।होटेल शिव कैलाशमा बस्दै आएका ४९ वर्षीय ग्रेम वज डुङ्गाबाट खसेर बेपत्ता भएको जिल्ला प्रहरी कार्यालयका प्रवक्ता विश्वराज अधिकारीले बताउनुभयो ।
डुङ्गामा सँगै बसेका विलियम डनलम मुनरोले आफ्नो साथी डुङ्गाबाट खसेपछि खोजी कार्यका लागि फेवातालमा हामफालेकामा उनलाई भने नजिकका अरू साथीले बचाएका थिए ।
छतबाट खसेर पर्यटकको मृत्यु
काठमाडौँ महानगरपालिका-२९ ठमेल सातघुम्तीस्थित होटल रोयल ग्रयान्डको छतबाट खसेर एकजना पर्यटकको मृत्यु भएको छ ।
उक्त होटलको चौथो तलबाट खसेर गम्भीर घाइते भएका २४ वर्षीय बेलायती नागरिक राफेहाओल जेम्स फ्रेडरिकको वीर अस्पतालमा उपचारका क्रममा गएराति मृत्यु भएको हो ।
source:kantipur
