चितवन, वैशाख १४ - प्रहरीले सोमबार राति ग्रिनेड सहित एक माओवादी कमाण्डरलाई पक्रेको छ । उदयपुरको कटारीबाट काठमाण्डौं जांदै गरेको ना.४.ख ३५१ नम्बरको बसलाई प्रहरीले भरतपुरमा चेकजाँच गर्दा माओवादी कमाण्डर पक्राउ परेको प्रहरीले जनाएको छ ।
पक्राउ परेका माओवादी सेनाका प्लाटुन कमाण्डर सन्तोष राईको साथबाट ग्रिनेड र धारिलो खुकुरी बरामद भएको छ । प्रहरीका अनुसार बसमा सवार ५२ जनालाई खानतलासी गर्ने क्रममा खोटाङ घर भएका राईसंग विष्फोटक सामग्री बरामद भएको थियो । राई माओवादी सेनाको सिन्धुली स्थित दोश्रो डिभिजन अन्र्तगत उदयपुरको दुधौली स्थित सहायक शिबिरमा कार्यरत रहेको प्रहरीले जनाएको छ ।
राईले पार्टीको कामका लागि राजधानी जान लागेको बयान दिएको प्रहरीले जनाएको छ ।
source:kantipur
skip to main |
skip to sidebar
