मुस्ताङ्गीले हड्तालको अवज्ञा गरे :

म्याग्दी, वैशाख २१ - माओवादी आहृवान गरेको अनिश्चितकालिन आम हड्तालको हिमालपारी मुस्ताङ्गवासीले अवज्ञा गरेका छन् । आमहड्तालको दोस्रो दिनपछि स्थानीयको विरोध पछि
माओवादीले बन्द गरिएको विद्यालयका ताला र यातायातका काउण्टरहरु खोली दिएको थियो । सोमवार बसेको सर्वपक्षिय भेलाले एउटा पार्टीले मात्र गरेको आन्दोलन जनआन्दोलन नहुने ठहर गर्दै मुस्ताङ्गलाई बन्द, हडताल र चक्काजाम मुक्त बनाउने निर्णय गरेका छन् । 'मुस्ताङ्गमा हड्तालको कुनै प्रभाव परेको छैन् । जिल्लाभरका पसल, बजार, शैक्षिक संस्थाहरु, यातायातका साधन लगाएत सवै कार्यलयहरु खुल्ला रहेको छ । माओवादी कार्यकर्ताहरु मुस्ताङ्गलाइ बन्दहड्ताल मुक्त बनाउन सहमत भएका छन्' प्रमुख जिल्ला अधिकारी उमेश ढकालले बताए ।

source:kantipur