उदयपुर, जेष्ठ ३० - उदयपुरको त्रियुगा नगरपालिका , ६ मोतीगढास्थित माओवादीका जिल्ला सदस्य दानीप्रसाद चौधरीको घरमा आइतबार बिहान वम फेला परेको छ ।
अज्ञात समूहले बिस्फोटन गराउन खोज्दा विस्फोट नभएको सकेट वम फेला परेको प्रहरी नायव उपरीक्षक मनोज यादवले वताए । विस्फोट नभएको घरको बरण्डामा राखिएको अवस्थामा भेटिएको वम चौधरीकी पत्नी तारदेवीले नजिकैको बास घारीमा लगेर फ्यालेको यादवले वताए ।
सेनाको टोलीले अहिले वम डिस्फोजको तायरी गरिहेको छ । वम राख्नुको कारण र समूहको खोजी भई रहेको प्रहरीले जनाएको छ ।
केहि समय अघि चौधरीको जग्गा किराँत जनवादी वर्कसले कव्जा गरेकेा थियो । त्यसपछि सोहि जग्गा संघीय जातीय क्षेत्रिय मुक्ति मोर्चालेपनि कब्जा गरेका घोषणा गरेको थियो ।
source:kantipur
skip to main |
skip to sidebar
